السبت، 21 أبريل 2012

الصداقة .. صدق الإحساس

هذه القصه اتمنى تعجبكم -- لأنها دلالة واضحه على صدق الصداقه والإحساس الكامل --- واعتقد انها ليست فقط للرجال وايضا للإناث -- لأنه الصداقه ايضا بين الجنسين تكون كما الأخ والأخت بالصدق والإحساس



 كان فيه سعودي و كويتي زملاء يدرسون في بريطانيا  وبعد إنتهاء فترة الدراسه قرروا يرجعون لأهلهم
فقال الكويتي للسعودي قبل ما تروح للسعوديه تعال معي للكويت و بعدها رح للسعوديه فوافق السعودي,,, وهم في الطيارة رايحين للكويت دق اخو الكويتي من الكويت وقال لأخوه إن جدتي توفت ,, فقال الكويتي لأخوه انا معي زميلي من السعوديه وعازمه فلا تقولون له شي حتى ما يضيق صدرة ولا أحرجه نصلي على الجنازة وكنها لاحد من جماعتنا .
لما وصلوا ,,, صلوا على الجنازة وقعد السعودي له مدة في الكويت أعجب ببنت جيران الكويتي و قال لزميله إني ودي أتزو جها فرح الكويتي وقال أنا مستعد أخطبها لك و فعلا خطبها له وخبر السعودي أهله وسوو الزواج ورجع السعودي لديرته .

وبعد مدة طويله كبرت تجارة السعودي وطلع تاجر وغني  والكويتي خسر كل أمواله وتجارته فقال مالي إلا أروح لصديقي السعودي اكيد بيساعدني وفعلا راح للسعوديه وهو منتظر شوفة زميله بفارغ الصبر لما سال عنه ووصل لبيته صار مو بيت صار ساكن في قصر وتاجر وكان الوقت متأخر فقال للبواب قل لراعي البيت ان زميلك من الكويت فلان بن فلان عند الباب وانه محتاجك مرة مرة وان حالته كذا وكذا ,,,, و بعد مارجع البواب أعطى الكويتي  عشاء من السعودي ,,,,,,,تخيلوااااا

فضاق صدر الكويتي وقال هذا جزاء الصداقه,,,,,
 المهم ,, وهو راجع على رجليه في الطريق! لقى رجالين (من رجال الأعمال) يتراهنون على مليون اللي يجيهم أول شخص بيعطونه المليون وكان من حظ الكويتي إنه هو اللي جاهم الأول واخذ المليون و تاجر بها في السعوديه وقبل ما يرجع للكويت لقى عجوز معاها بنت وقالت له: العجوز أبي اخلي البنت عندك وأروح أحج اذا مارجعت تزوجها وخلها عندك ,,, لما طولت العجوز عقب الحج تزوجها وسوا حفله الزواج بالكويت وفي أثناء الزواج وكان من ضمن الحاضرين زميله السعودي  لما شافه الكويتي غضب وقال للحضور اطردوه هذا خاين العشرة والصداقه ,, تخيلوا إنه لما جا معي للكويت وكانت جدتي ميته ما علمته عشان مايضيق صدرة على وخطبتله بنت الجيران اللي كانت في الاساس خطيبتي وفضلته على نفسي ولما جيته محتاج عطاني فضلة عشاااااه


قال السعودي  اسمعوا واحكموا علي......
أنا يوم جاني الكويتي وهو محتاج ماحبيت اشوفه على حالته هذه  عقب ماكان تاجر وكبير أشوفه صغير ومحتاج وأتفضل عليه بشي من عندي عشان كذا عطيته عشاي

وبالنسبه للتاجرين اللي متراهنين على مليون هذولي أخواني أنا مروحهم له عشان يفكون ضيقته
أما با النسبه للعجوز اللي معاها البنت فهذه أمي والبنت هذي طبعا أختي

وش رأيكم ما أحضر زواج أختي؟




ليست هناك تعليقات:

إرسال تعليق

يسعدني وضع بصمتك هنا